Бул тууралуу пикетке чыгып жаткан тележурналист Алтынбек Жумаев “Азаттыкка” билдирди. Анын айтымында, УТРКнын баш директору Мелис Эшимканов кызматтан кетмейинче нааразылык акциясы Максим Горькийдин эстелигинин жанында улантыла берет. «Буга чейин акцияга чыккандардын арыз-муңун мамлекеттик катчы Досбол Нур уулу президентке жеткирем деген. Азырынча бийликтен эч кандай жооп жок. Эгерде бизге бийлик тоотпогондой мамиле кылып, эч кандай көңүл бурбаса ачакачылык жарыялоого мажбур болобуз»,- дейт Жумаев. (AJ)
