Барак Обаманын Жакынкы Чыгыш боюнча атайын өкүлү Израил өкмөт башчысы менен Иерусалимде жолугушту. Анын алдында Жорж Митчел Палестин автономиясынын жетекчиси Махмуд Аббас менен дагы сүйлөшүүлөрдү өткөрдү. Ал эми Каирде Египеттин президенти Хосни Мубарак менен сүйлөшүү маалында Жорж Митчелл Газа тилкесиндеги элдешүүнү бекемдөөнүн зарылдыгын белгиледи. Бирок америкалык дипломат Газа тилкесин көзөмөлдөгөн Хамас тобу менен жолугушпайт.
