24-мартта өлкө башчысы Курманбек Бакиев жарыялаган “Жаңылануу багытынын” текстин президентке караштуу стратегиялык талдоо жана баалоо институтунун жетекчиси Сергей Масаулов баш болгон профессор Владимир Никитин, президенттин катчылыгынын башчысы Оксана Малеваныйлар өздөрүнүн Маданий саясий корундагы идеяларды эле жазып коюшкан, деп билдирди “Азаттыкка” СД фракциясынын лидери Бакыт Бешимов. Анын айтымында, Жаңылануу багытынын тексти илимий жактан окшоштурулуп жазылганы менен жөнөкөй карапайым калкка түшүнүксүз. Кечээ президент Курманбек Бакиевдин 2009-жылдын 24-мартындагы «Жаңылануу Багытынын» тексти толугу менен жарыяланып, президенттин катчылыгы документке карата ой-пикирлерди күтөөрүн, талкууга катышууга чакырарын билдирген. (AJ)
