Бул тууралуу кечээки фракция отурумунда фракция башчысы Бакыт Бешимов айтты. Депутат Роза Отунбаева бийлик кыргызстандык жарандарды ээн баштыгы үчүн эмес, диний ишеними үчүн соттоп, мыйзам үчүн эмес, бийлик коопсуздугу үчүн кам көрүп атат деп билдирди. 1-октябрда Орозо айт учурунда райондук акимчиликтин алдында баш аламандыкка катышкан "хизб-ут-тахрирчи" 32 адам Конституциялык түзүлүшкө коркунуч келтирди деген негиз менен 9 жылдан 20 жылга чейин жаза алышкан. Фракциянын отурумуна катышкан Баш прокурордун биринчи орун басары Сумар Насиза сот өкүмү күчүнө киргендигин, ага прокуратура баа бере албастыгын билдирди. (BuS)
