14-апрелге белгиленген тегерек үстөл талкуусун Жогорку Кеңештин Билим, илим, маданият, маалымат саясаты комитети уюштурууда. Былтыр кабыл алынган бул мыйзам медиа эксперттердин катуу сынына кабылган. Биринчи кезекте сөз эркиндиги чектелгендиги, мыйзам электрондук маалымат каражаттарын, радиоуктуруулар менен телекөрсөтүүлөрдү алсыздандырары белгиленген. Аталган мыйзам укуктук, экономикалык, техникалык жактан телеркөрсөтүүлөр менен радиоуктурууларга кепил болуп бере албайт деп эсептеген эксперттер дароо жумушчу топ түзүп, мыйзамга өзгөртүү, толуктоо киргизүү демилгеси менен чыгышкан. (BuS)
