15-19-май күндөрүнө белгиленип жаткан мындай эл аралык иш-чара бул жылы Бишкек, Ош жана Ысык-Көлдө өтөт. Бул тууралуу кабарлаган Мамлекеттик туризм агенттиги “BITF” туристик жарманкеси Кыргызстанда туризмди өнүктүрүүдө эң маанилүү инструменттердин бири болоорун белгилешүүдө. Жарманкеге Европа жана Азия туроператорлору катышат. Анын жүрүшүндө ишкерлер келишимдерди түзүүгө мүмкүнчүлүк алышмакчы. Ошондой эле жарманкеде кол өнөрчүлөрдүн фестивалы да өтөт деп кабарланууда. Мындай иш-чара Кыргызстанда жыл сайын өткөрүлүп келет. (ES)
