Бул тууралуу “Журналисттер” коомдук бирикмесинин координатору Мэри Бекешова “Азаттыкка” билдирди. Анын айтымында, акыркы жылдары көз карандысыз телеканалдар жабылып, эркин басылмаларга кысым күчөгөндүктөн айрым гезиттер жабылууга мажбур болушкан. “Журналисттердин кесиптик ишмердүүлүгүнө байланыштуу алардын өмүрүнө кол салуу фактылары дагы көбөйүүдө”,-дейт Бекешова. Президент Курманбек Бакиев февралда Массалык маалымат каражаттарынын өкүлдөрү менен өткөргөн маалымат жыйынында “Кыргызстандагыдай сөз эркиндиги башка өлкөлөрдө жок”,-деп айткан. (AJ)
