Багдадда коопсуздук күчтөрүнүн өкүлдөрү менен согушчандар тобунун кагылышуусунан бери дегенде 2 адам набыт болуп, үч полициячы жараат алды. Полициячылар жакында эле Багдадда 66 адамдын өмүрүн алып кеткен бир катар кол салууларды уюштургандарды камакка алуу максатында рейд өткөрүп жүрүшкөн. Кабарларга караганда, кагылышуу маалында өлтүрүлгөн эки киши террорчулар болушкан.