БУУнун Качкындар иши боюнча комиссарлыгы үй-жайын таштап, чет өлкөгө качкан ирактыктардын мекенине кайтуусу үчүн расмий Багдад көп иштерди жасашы керек дейт. Качкындар комиссарлыгынын Аммандагы өкүлү Имран Ризанын айтымында, Иорданияда баш калкалаган качкындар Иракта жашоо шарттары начар болуп, жумуш жоктугунан улам мекенине кайтууга шашпайт. Иорданияда болжол менен 450 миң, Сирияда 1 миллион 200 миң ирактык качкын жашайт.
