Евробиримдик жакында эле маңзат аткезчилиги менен алектенген деген айып менен 20 кишини дарга асканы үчүн Иран бийлигин сынга алды. Евробиримдиктин учурдагы төрагасы Швеция Иран бийлигин же өлүм жазасын алып таштоого, же ага мораторий киргизүүгө чакырды. Үстүбүздөгү жылдын башынан бери Иранда 161 киши өлүм жазасына буйрулган. Укук коргоочулардын ырасташынча, 2008-жылы 246 киши дарга асылган.
