Бириккен улуттардын башкы саламаттык агенттиги билдиргендей, бул тумоо башка вирустардан төрт эсе ылдам тарап, андан көз жумгандардын 40 пайызы ден-соолугу бекем жаштар болууда. Дүйнөлүк Саламаттык уюмунун башкы директору Маргарет Чак Франциянын Лө Монд гезитине «вирус адам ишенбей турган, эч ким угуп-билбеген ылдамдыкта тарап жатат» деп билдирди. Анын айтымында, пандемия менен күрөшкө жетиштүү вакцина бир нече айда даяр болот. Бүгүнгө чейин апрель айында башгалган тумоодон дүйнө жүзүндө 2180 киши көз жумду.
