Түндүк Корея уранды байытуу ишинде “акыркы баскычына” келгенин билдирди. Уранды байытуу менен Түндүк Корея өзөктүк курал жасай алат. Өлкөнүн расмий маалымат булактарынын кабарлашынча, Пхеньяндын БУУдагы өкүлдөрү Коопсуздук кеңешине кат жолдоду. Анда май айында Түндүк Кореянын өзөктүк сыноолору үчүн БУУ киргизген санкцияларына жооп ирээтинде Пхеньян өзөктүк энергетиканы өнүктүрүүдө соңку баскычка жеткени айтылат.
