Палестин президенти Махмуд Аббас январда өтчү шайлоодо ат салышпай турганын жарыялады. Сыналгыдан сүйлөгөн сөзүндө Аббас Палестинаны боштондукка чыгаруу уюмунун аткаруу комитетин жана Фатах партиясын чечими жөнүндө кабардар кылганын айтты. Расмий булактардын ырастоосунда, ал Палестина менен Израиль ортосундагы тынчтык сүйлөшүүлөрүнөн майнап чыкпай жаткандыктан шайлоого катышпоону чечкен. Ак Үйдүн маалымат катчысы Роберт Гиббс Аббас АКШнын чыныгы шериги болчу деп билдирди.
