Бул тууралуу бүгүн Түркмөнстандын мамлекеттик маалымат каражаттары кабарлашты. Ишке быйыл декабрда берилери күтүлгөн газ кууру Түркмөнстандын түштүк-чыгышындагы Довлетабад кенинен чыккан көгүлтүр отту Иранга жеткирүүсү керек. Түркмөнстандын газын тышкы базарга чыгарууда буга чейин Орусия дээрлик монополиялык укукка ээ болуп келген. Учурда Түркмөнстандан Кытайга кеткен газ куурунда да курулуштун акыркы баскычтары жүрүүдө.
