Иран "Саджиль-2" деп аталган орто аралыктагы өркүндөтүлгөн ракетаны ийгиликтүү сынаганын айтууда. Мамлекеттик Иран телеканалы анын кандай жүргөнү тууралу кенен айткан жок. "Саджиль-2" бир миң эки жүз чакырымга жете алат, демек, бул Израиль менен Перс булуңундагы АКШнын аскер базасына жетет дегенди түшүндүрөт. Улуу Британиянын премьер-министри Гордон Браун бул окуяны тынчсыздана турган көрүнүш катары баалап, өзөктүк куралдары боюнча эл аралык коомчулук менен иштешпей келаткан Иранга каршы санкция киргизүүнү туура деп эсептейт.
