Облустук алкакта атайын жыйын өткөрүлүп, анда район акимдердин жаңы орун басарлары тааныштырылды. Ат-Башы, Жумгал район акимдеринин эки орун басарлары тең жумуштан бошотулса, Нарын районунун биринчи, Ак-Талаа районунун социалдык тармакты тейлеген орун басары кызматтан алынды. Ал эми облустук акимчиликтин бардык аппарат кызматкерлери үчүн сынак болоорлугу шардана кылынды. Мындай маалыматты “Азаттыкка” губернатордун маалымат катчысы Айнура Темирова билдирди. Бирок аппарат кызматкерлерге сынак жүргүзүү мыйзамсыз экендигин, сынак бош кызмат орундарга гана жүргүзүлөөрүн өз ысымдарын айтуудан айбыккан бир катар кызматкерлер билдиришүүдө. (KUs)
