Набыт болгон жети адамдын катарында кыргызстандык үч ишкер да болгону кабарланган. Орусиянын баш-прокуратурасынын тергөө бөлүмүнөн билдиришкенине караганда, шектелгендердин бирөө күнөөсүн мойнуна алды. Алар жогорку класстардагы мектеп окуучулары болушканы айтылууда. Шейшембиде Бурятиянын Закаменск шаарчасында жети адамдын өлүгү табылган. Алардын ичиндеги кыргыз улутундагы адамдар орус жарандары экени айтылды. “Азаттык” буга чейин ошол ишкерлердин биринин сөөгү мекенине жеткирилгенин кабарлаган эле.
