Өкмөттү кулатуу аракетине колдоо топтоону көздөгөн мотоцикл минген, машина айдаган миңдеген демонстрант Бангкоктун көчөлөрү аркылуу өттү. Мунун алдында оппозиция өкүлдөрү өздөрүнүн канын чакаларга куюп келип, премьер-министр Абхисит Вежа-живанын штаб-квартирасын канга боешкон эле. Оппозиция өкмөттү куралдуу төңкөрүштө бийликке келгени үчүн айыптап, мурдагы өкмөт башчысы, сүргүндөгү Таксин Шинаватра катыша ала тургандай шайлоо өткөрүүнү талап кылууда.
