Утурумдук өкмөттүн башчысы Роза Отунбаева "Ройтерс" кабар агенттигине Бакиев ондогон кишилердин өлүмү үчүн соттолушу керек деп айтты. Буга чейин бул өкмөт Бакиевдин эки уулун жана бир тууганын камакка алууга жардык чыгарган эле. Отунбаеванын айтымында, анын өкмөтү Бакиевге каршы күч колдонбойт, бирок андан өч алууну көздөгөндөрдөн арачылап кала албай калышы мүмкүн. Анын аралыгында, Жалал-Абаддан Бакиев «ок атууга буйрук берген эмесмин» деп ырастап, аны өлтүрүү аракети «бүт Кыргызстанды кан жуткурат» деп эскертти. Бакиев ошондой эле өлкөдөгү «тополоң-тозду» токтотуу үчүн Бириккен Улуттардын тынчтык күчтөрү келиши керек деди.
