Өкмөттүк армия ишембиде Ооганстан менен чектеш аймакта жикчилердин объектилерине абадан сокку урган эле. Армия андан куралсыз тургундар да мерт болгонун четке кагып жатат. Бирок өкмөттүн атын атагысы келбеген мүчөсү билдиргенине караганда, бийликтер өлгөндөрдүн үй-бүлөлөрүнө компенсация катары 125 000 доллардай акча бөлүштү. Шейшембиге караган түнү да америкалык аскерлердин учагынын соккусунан 13 адам набыт болгону айтылууда. Пакистан бийликтери төрт тургун көз жумганын кабарлаган эле.
