АКШнын Кыргызстандагы элчилигинен маалымдашкандай, АКШнын мамлекеттик катчысынын Түштүк жана Борбор Азия боюнча орун басарынын жардамчысы Жорж Крол 25-26-май күндөрү Кыргызстанда иш сапар менен болот. Бүгүн ал Убактылуу өкмөт мүчөлөрү менен жолугушууларды өткөрүп, кечинде “АкиПресс” агенттигинде журналисттерге маалымат жыйынын курат. Иш сапардын экинчи күнүндө ал жарандык коомдун жана бейөкмөт уюмдардын өкүлдөрү менен жолугушат.
Буга чейин расмий Вашингтондун эки жогорку даражалуу өкүлү Бишкекте болуп, ыңкылаптан кийинки Кыргызстанга көмөк көрсөтүлөөрүн убада кылышкан. (GA)
Буга чейин расмий Вашингтондун эки жогорку даражалуу өкүлү Бишкекте болуп, ыңкылаптан кийинки Кыргызстанга көмөк көрсөтүлөөрүн убада кылышкан. (GA)
