Соңку сурамжылоолор солчул социал-демократтар алдыда келатканын, бирок ал көпчүлүк мандаттарды топтой албай, коалиция түзүүгө аргасыз болушу мүмкүн экенин көргөзүүдө. Байларга салыкты көбөйтүп, карапайым калктын кирешесин жогорулатууну убада кылган социал-демократтарга оңчул-чордончул Жарандык демократтар башкы атаандаш. Алар Чехияга Грекиядагыдай финансы кризиси келатат деп эскертип, коомдук чыгымдарды кескин азайтууга үндөп жатышат.
