Бул тууралуу облустук оорукананын директору Абды Шамшиев “Азаттыкка” билдирди. Анын айтымында, Жалал-Абад облусундагы ооруканаларга Саламаттык сактоо министрлиги тарабынан жана эл аралык уюмдардан гуманитардык жардам катары тиешелүү деңгээлде дары-дармектер жеткирилип, азык-түлүк менен камсыздалды. Ал ошондой эле учурда жалпы облустагы ооруканада 85, райондук, шаардык оорукааналарда 215 адам дарыланып жатканын, 28 адам Бишкекке жеткирилгенин билдирди. (AJ)
