Кырсык бүгүн эртең менен борбордук Хенань провинциясынын аймагындагы кенде болгон. Бул тууралуу Кытайдын Иш коопсуздугу боюнча мамлекеттик мекемеси билдирди. Кытайдын көмүр өнөр-жайы дүйнөдө эң кооптуу деп эсептелинет. “Ассошейтед пресс” агенттиги келтирген маалыматка караганда, былтыр Кытайда кендеги жарылуулардан 2600дөн ашуун кенчинин өмүрү кыйылган.
