Орус президенти Дмитрий Медведев бүгүн Сочиде ооган президенти Хамид Карзай, Пакистандын президенти Асиф Али Зардари менен өткөрүүчү сүйлөшүүлөрдө негизги көңүл Ооганстандагы коопсуздук кырдаалына, наркосоодага байланышкан маселелерге бурулары күтүлүүдө. Сүйлөшүүлөргө ооган апийимин ташуудагы маанилүү жол болгон Тажикстандын президенти Эмомали Рахмон да катышат. Москва аймакта 1989 –жылы совет аскерлери чыгарылгандан кийин жоготкон таасирин калыбына келтирүүгө умтулууда.
