Окуя бүгүн Кытайдын батышындагы Шиңжаң-Уйгур автоном аймагындагы Аксу шаарчасында болду. Андан жети киши набыт болуп, он төртү ар түрдүү жаракат алды. Жергиликтүү бийликтин өкүлдөрүнүн айтымында, уйгур тегиндеги атуул жардыргыч зат жүктөлгөн үч дөңгөлөктүү унааны эки көчөнүн кесилишиндеги топтолуп турган элдин арасына айдап келип, жардырган. Кылмышкер азыр кармалып, ал боюнча иликтөө жүргүзүлүп жатат.
