Саламаттыкты сактоо министрлиги билдиргендей, Кыргызстанда беш жашка чейинки жаш балдарды полиомиелитке каршы эмдөөнүн экинчи этабы 23-августан башталат. Эмдөө акысыз өткөрүлөт. Министрликтин башкы адиси Роза Жакыпованын бүгүн маалымат жыйында билдиргени боюнча, эмдөөнүн алкагында ата-энелерге полиомиелит оорусу тууралуу маалыматтар таратылып, медицина кызматкерлерине тренинг сабактары өткөрүлөт. Эмдөөнүн экинчи этабы үчүн 1 млн. 600 доза вакцина сатылып алынды. Эмдөөнүн биринчи этабында 5 жашка чейинки алты жүздөн ашуун бала камтылган.
Маалыматка ылайык, полиомиелитке каршы оозго тамчылатуу аркылуу жүргүзүлчү эмдөө Дүйнөлүк саламаттыкты сактоо уюм тарабынан колдоого алынган коопсуз эмдөө болуп саналат. Полиомиелит – балдардын шал оорусу, же болбосо борбордук нерв системасын жабыркатчу инфекциялык оору. (КЕ)
Маалыматка ылайык, полиомиелитке каршы оозго тамчылатуу аркылуу жүргүзүлчү эмдөө Дүйнөлүк саламаттыкты сактоо уюм тарабынан колдоого алынган коопсуз эмдөө болуп саналат. Полиомиелит – балдардын шал оорусу, же болбосо борбордук нерв системасын жабыркатчу инфекциялык оору. (КЕ)
