СССР эл артисти Миңжылкыев менен Кыргызстанда 10 жыл чогуу эмгектенген опера солисти Тахира Менажидинова кесиптештери менен даңазалуу ырчынын репертуарынан чыгармаларды аткарышат. 30-сентябрда Орусиянын Прагадагы Маданий борборунда уюштурулуп жаткан кечеде Чыңгыз Айтматовдун “Вечная невеста” же “Тоолор кулаганда” романынан үзүндү, Шайлообек Дүйшеевдин Чыңгыз Айтматовго арнаган ырлары окулат. Менажидинова "Азаттыкка" Айтматовдун соңку романы менен биринчилерден болуп, басыла электе таанышканын билдирди.
