Бүгүн кол коюлган макулдашуу менен Ирактын түндүгүндөгү мунай кендерин Жер ортолук деңизиндеги Түркиянын Жейхан порту менен бириктирген башкы мунай куурунун пайдалануу дагы 15 жылга узартылды. Келишимдин мөөнөтү март айында аяктагандан бери сүйлөшүүлөр жүрүп келген. Ирактын мунай министри Хусейин ал-Шахристанинин айтканына ылайык, Анкара куурдагы мунайдын конфискацияланышына жол бербөөгө убада кылды. Министрдин айтымында, бул жол менен ташылуучу мунайдын көлөмү жакын арада эки эсеге өсүп, күнүнө бир миллион баррелге жетмекчи.
