Токтогул районунда партиялар шайлоону таза жол менен чыр-чатаксыз өткөрүү жөнүндө келишимге жетишти. Улуу акындын жеринде тил табышкан партиялардын катарында “Ата Мекен”, Социал-демократтар, “Замандаш”, “Айкөл” сыяктуу он партия бар. Алар үгүт өнөктүгүн мыйзамдын жана этикалык эрежелердин чегинде өткөрүү, саясий күрөштү таза ыкмалар менен жүргүзүү жөнүндө мүдөө-тилектерине калган партиялар да кошулат деген үмүттө үндөө менен кайрылып жатышат. Бул жөнүндө “Азаттыкка” “Айкөл” партиясынан депутаттыкка талапкер Арслан Капай уулу Койчиев билдирди. (KC)