Азыр Жогорку Кеңештин жанында “Мекен шейиттери” менен “Айкөл Ала-Тоо” уюмдарынын отузга чукул мүчөсү пикет өткөрүп жатат. Алар шайлоого катышып жаткан бир партиянын лидеринин мурунку президент Курманбек Бакиевди алып келүүгө байланыштуу Интернетке жарыяланган сөзүнө нааразы болушууда. Акцияга чыккандар кайрылуу кабыл алып, аны өкмөткө жана Борбордук шайлоо комиссиясына тапшырышарын “Азаттыкка” билдиришти. Ал эми Интернет аркылуу сөзү жарыяланып кеткен партия лидери бул иш-аракеттерди чагым катары баалоодо. (EBM)
