“Шайлоо” мамлекеттик автоматташтырылган системасынан алынган акыркы маалыматтарга караганда, добуш берүүгө бардыгы болуп 1 млн. 679 миң 538 шайлоочу (55,90 пайыз) катышты. Беш пайыздык жана аймактык жарым пайыздык чекти багындырган беш партия аталууда. “Ата Журт” 8,88%, СДП 8,04%, “Ар-намыс” -7,74%, “Республика” – 7,24% жана “Ата Мекен” -5,6% добушка ээ болду. Баш мыйзамга ылайык, Жогорку Кеңештин жаңы шайланган курамы өзүнүн биринчи сессиясына шайлоонун жыйынтыгы расмий аныкталгандан кийин 15 күндөн кечикпестен чогулууга тийиш. (ES)
