Азия-Тынч океан кызматташтык уюмунун бул жолку саммити Япониянын Йокогама шаарында болот, жыйын эки күнгө созулат. Анын жүрүшүндө Россиянын президенти Дмитрий Медведев Япониянын премьер-министри Наото Кан менен жолукканы жатат. Медведев жакында түштүк Курил аралдарынын биринде болгон соң эки тараптын мамилелери курчуй түштү. Япония аралдарды өзүнүн "түндүк аймагы" деп эсептейт. Москва бул дооматты негизсиз деп санайт.
