“Чек арасыз дарыгерлер” уюму дүйнө коомчулугу Гаитиге холера оорусуна каршы күрөшүү үчүн жетиштүү жардам бербей жатат деп сындады. Бир айдай мурун башталган эпидемия 1 миң 100дөн кем эмес адамдын өмүрүн алып кетти. Илдетке чалдыккан адамдардын саны 20 миңге жакындады. Оору тездик менен жайылууда. Акыркы күндөрү БУУнун аскерлерине каршы акциялар өтүп жатат. Жергиликтүү тургундар холеранын вирусун өлкөгө чет элдик аскерлер алып келишти деп күнөөлөшүүдө.
