Жалал-Абад облустук Ички иштер баршкармалыгынын басма сөз кызматынын өкүлү Таалайбек Сусунбаевдин “Азаттыкка” билдиришинче, 26-ноябрдын түнү Санжар Бакиев тарабынан түзүлгөн топтун мүчөсү, мурда издөөдө жүргөн 29 жаштагы Сейитмурат Мурзакматов кармалды. Маалыматка караганда, ал ушул жылдын 15-апрелине чейин Сузак районунун Тейит айылында мыйзамсыз түрдө Бакиевдер тарабынан түзүлгөн куралдуу топтун курамында өлкөнү түндүк жана түштүк аймактарга бөлүүгө аракет жасап, 13-майдадагы Жалал-Абад шаарындагы облустук администрациянын алдында массалык тартип бузууларга, 14-майдагы киши өлтүрүүгө катыштыгы бар деген шек менен издөөдө жүргөн. Азыркы кезде Сейитмурат Мурзакматов Жалал-Абад шаардык ички иштер бөлүмүнүн убактылуу кармап туруу жайына камакка алынып, тергөө амалдары жүргүзүлүүдө.
Мурунку президент Курманбек Бакиевдин бир тууганы Жусуп Бакиевдин уулу Санжар Бакиев 13-14-майда массалык башаламандык уюштурган, мыйзамсыз курал сактаган жана бийлик өкүлдөрүнө зомбулук көрсөткөн деген айыптар боюнча күнөөлүү деп табылып, 10 жылга эркинен ажыратылган болчу. (KKs)
Мурунку президент Курманбек Бакиевдин бир тууганы Жусуп Бакиевдин уулу Санжар Бакиев 13-14-майда массалык башаламандык уюштурган, мыйзамсыз курал сактаган жана бийлик өкүлдөрүнө зомбулук көрсөткөн деген айыптар боюнча күнөөлүү деп табылып, 10 жылга эркинен ажыратылган болчу. (KKs)