Жогорку Кеңештеги Социал-демократтар фракциясынын төрагасы Алмазбек Атамбаев ЕККУнун саммитине катышуу үчүн азыр Астанада жүргөн президент Роза Отунбаевага коалициялык макулдашууга кол коюлгандыгы тууралуу телефондон маалымдады. Алмазбек Атамбаев мамлекет башчынын тапшырмасы менен коалиция түзүү иштери ийгиликтүү аяктаганын, коалициялык макулдашуу менен жактырылган өкмөттүн программасы, түзүмү жана курамы Жогорку Кеңештин 2-декабрдагы жыйынында талкууланарын билдирди. Бул тууралуу КСДПнын маалымат кызматы кабарлады. (EBM)
