Кыргызстандын АКШдагы элчиси Муктар Жумалиев АКШ президенти Барак Обамага ишеним грамотасын тапшырды. Вашингтондо болгон жолугушууда элчи Муктар Жумалиев Кыргызстандагы жаңы өкмөттүн куралышына байланыштуу ички саясий абал жана ушул таптагы өлкө бийлигинин алдында турган маанилүү милдеттер туурасында маалымат берди. Барак Обама өз кезегинде демократиялык процесстерди алдыга жылдырууда жана экономикалык реформаларды жүргүзүүдө Кыргызстанга колдоо көрсөтүүгө даяр экендигин билдирди. Бул туурасында Кыргызстандын АКШдагы элчилиги кабарлады. (AzK)
