Бул туралуу кечээ Түштүк Судандагы референдумдун расмий жыйынтыгы чыккандан кийин Америка Кошмо Штаттарынын президенти Барак Обама билдирди. Референдумдун жыйынтыгы көрсөткөндөй, шайлоочулардын дээрлик 99% Түштүк Судан көз карандысыз өлкө болушун колдогон. Эгемендик боюнча элдин пикирин суроо чечими 2005-жылы Судандагы жарандык согушту токтотуш үчүн борбордук бийлик менен кабыл алынган келишимде каралган болчу.