Бахрейн да козголо баштады

Бахрейнде да саясый реформаны жана эркиндикти талап кылган демонстрация өттү. Шии калктуу Карзакан кыштагында жекшемби күнү кечке жуук болгон демонстрациянын катышуучулары менен полиция кагылышты. Полиция аткан октон 21 жаштагы жигит жарадар болгону, кагылышта жарат алган бир нече адам камакка алынганы маалымдалды.
Бүгүн дүйшөмбү күнү да Бахрейнде нааразылык акциясы уланаары күтүлүүдө.