Кыргызстан боюнча добуш берүүнүн жүрүшү тууралуу түз маалыматты интернеттен БШКнын "Шайлоо" мамлекеттик автоматташтырылган системасы аркылуу көрсө болот. Бул жерде маалымат саат 10дон баштап жаңыланып турат. 10:00дө Боршайком өкүлдөрү КТРК каналы аркылуу түз обого чыгып, ошол саатка карата кайсы облуста канча шайлоочу келип өз добушун бергенин айтып беришет. "Шайлоо" системасындагы маалымат улам жаңыланып турат. Саат жетиге чейин шайлоочулардын келиши боюнча маалымат түшүп турат. Андан кийин шайлоо участокторунан протоколдордун келип түшүшүнө жараша кайсы талапкерге канча добуш берилгени боюнча маалыматтар жарыялана баштайт. (RK)
