Жумушчу топ Орусиянын Дүйнөлүк соода уюмуна кирүү мөөнөтүн тактады. Уюмдун жетекчилигинен маалымдашкандай, Орусиянын арызы соода министрлеринин 15-17-декабрда Женевада өтчү жыйында канааттандырылат деп айтууга толук негиз бар. Москва уюмга кошулуу аракеттерин 1993-жылдан бери көрүп келген. Бирок уюмдун мүчөсү – Грузия ага каршы болгон. Тараптар Швейцариянын арачылыгы менен мунаса таап, тиешелүү келишимге жума башында кол коюлган.
