"Азаттыктын" баяндамачысы Кабыл Макеш Кыргызстандын быйылкы жылдагы мыкты спорттук кабарчыларынын бири аталды. Сыйлыктарды тапшыруу аземи кечээ Бишкекте өттү. Мыкты спортчулар, машыктыруучулар да сыйланышты. Жылдын мыкты спортчулары деп боксчулар Адилет Батыралиев, Асылбек Назаралиев, Анарбай уулу Абдилай, Ажар Жамгырчиева, күрөш балбандары Арсен Эралиев, Мурат Рамонов, Батыр Курмангазиев, Айбек Усупов, Иннокентий Иннокентьев, Мехринсо Нурматова, дзюдочу Болот Токтогонов, кайыкчылар Максим Бондарь, Илья Альгин, Александр Пароль, Игорь Дорофеев, велоспортчу Евгений Ваккер, шпагачылар Сергей Качурин, Александр Черных, Евгений Наумкин жана Михаил Иванов аталды. (RK)
