Олимпиада оюндарынын дзюдо боюнча коло медалынын ээси, казакстандык Айдын Смагулов менен Европанын жети жолку чемпиону, олимпиаданын күмүш медалынын ээси, орусиялык Тамерлан Тменов Кыргызстанга келишти. Бул тууралуу дзюдо федерациясынын башкы катчысы Эмил Рыскулов билдирди. Анын айтымында, 13-апрелде Бишкекте белгилүү дзюдочу Камил Арслановдун жаркын элесине арналган эл аралык турнир башталат. Бул турнирдин алкагында аталган спортчулар кыргызстандык жаш дзюдочулар менен жолугуп, тажрыйба бөлүшөт.(KMa\BkA)
