Талас облусунун аймагында бүгүн жер титиреди. Өзгөчө кырдаалдар министрлигинин маалымат кызматынын башчысы Абдишарип Бекиловдун "Азаттыкка" айтымында, түштөн кийин, саат 13:43тө күчү 3,5-4 балл болгон жер титирөө катталды. Силкинүүнүн очогу Талас шаарынан түштүк-чыгышты көздөй 35 чакырым аралыкта жайгашкан. Жердин титиреши Ударник айылында 2-2,5 балл болуп сезилди. Адам өмүрүнө зыян тийгени жана кыйроолор тууралуу маалымат жок. (RK)
