Жалал-Абадда 10 гектар жердеги кургак чөп күйдү

Облустун Сузак районундагы Боз-Чычкан айылында жергиликтүү тургунга тиешелүү он гектар аянттагы кургак чөп жана 270 даана таңгак чөп күйүп кетти.

Өзгөчө кырдаалдар министрлигинин басма сөз кызматы өрттүн себеби такталып жаткандыгын билдирди.

Дагы бир маалыматка караганда, электр жабдууларын колдонууда техникалык коопсуздук эрежелери сакталбагандыктан Базар-Коргон айылынын Калмурзаев атындагы көчөсүндөгү №41 үйдөн да өрт чыккан. Натыйжада үйдүн терезеси менен жууркандары өрттөнгөн. (YA)