3-4-августта Ч.Айтматов атындагы сейил багында (Дубовый парк) “Оюн бекети” деп аталган балдарга арналган атайын иш-чара өттү. Аталган долбоорду “Аяй медиа” коомдук фонду уюштурган. Фонддун жетекчиси Жазгүл Ибраимованын айтымында, “Оюн бекети” балдардын башын бириктирип, ар кандай топтук оюндарды уюштуруу менен аларды компьютердик жана башка ар кандай зыяндуу оюндардан алыстатуу максатын көздөйт. Аталган долбоор ар жуманын ишемби, жекшемби күндөрү саат төрттөн жетиге чейин сентябрдын ортосуна чейин уланат. Алгачкы оюндарга ондон ашык ата-эне өз балдарын ойнотуп кетишти. "Оюн бекетине" каалоочулардын баары катышса болот. (Уланбек Эгизбаев)
Сейил бактагы “оюн бекети”
1
2
“Оюн бекетинин” демөөрчүлөрү жок болгондуктан, керектүү каражаттардын баарын уюштуруучулар өздөрү көтөрүшкөн.
3
Шыктуулары минтип жол бетин да сүрөткө толтурушту.
4
Чымыны барлары кагазга сүрөт тартып, түстүү бойоктор менен бойошту.
5
Чүрпөлөрүнүн жан алы калбай ойноп жатканын көргөн ата-энелердин кубанычында чек жок.
6
Уюштуруучулар балдарга аң-сезимди өнүктүрүүчү топтук оюндарды ойнотуп жатышты.
7
Аталган долбоордун алтын эрежелери.
8
9
Оюн бекетинде балдар үчүн шахмат таймашы да уюштурулду.
10
Балдарды тарбиячылар эмес, атайын машыгуулардан өткөн ыктыярчылар ойнотушат.