Сирияда кармалып турган журналист эркиндикке чыкты

Италиялык журналист, La Stampa гезитинин 62 жаштагы кабарчысы Доменико Кирико Сирияга 6-апрелде келип, 10-июнда дайынсыз жоголгон. Июнь айында ал аялына телефон чалып, өзүн уурдап кетишкенин кабарлаган.

Апрель айында Сирияда италиялык төрт журналист кармалган, бирок көп өтпөй бошотулган. Журналисттерди коргоо комитети 2012-жылы Сирияны журналисттер үчүн эң кооптуу аймак деп тапкан.