Мусулмандар дин башкармалыгынын маалыматы боюнча, ажылык зыярат менен Мекеге кеткен кыргызстандыктардын алгачкы тобу бүгүн түштөн кийин "Манас" аэропортуна келип түшөт. Аларды муфтий Рахматулла ажы Эгембердиев тосуп алмакчы. Быйыл Кыргызстандан Мекеге ажылыкка 3685 адам кеткен. Бул жылдагыга караганда 900гө аз. Сауд Арабия муну Меке шаарында ири курулуш иштери жүрүп жаткандыктан, дүйнө боюнча ажылардын санын 20 пайызга кыскартканы менен түшүндүргөн. Ажылыкка кеткендердин ичинен бир жаран сапар учурунда каза болду.(BkA)
