Улуттук коопсуздук боюнча мамлекеттик кызматы Кеңешбек Жумабаевдин кармалышы боюнча комментарий бере элек. Атайын кызматтын коомчулук менен байланышуу бөлүмүнөн бул боюнча аларга маалымат түшө электигин билдиришти.
7-октябрдагы Караколдогу башаламандык боюнча активист Кеңешбек Жумабаев УКМКга камакка алынганын анын адвокаты Шарабидин Токтосунов 24-октябрда “Азатыкка” кабарлаган. Анын айтымында, бейшемби күнү эртең менен атайын кызмат өкүлдөрү Жумабаевди үйүнөн алып кетишкен. Андан соң Токтосуновго улуттук коопсуздук комитетинен Жумабаев 7-октябрдагы Караколдогу башаламандыкка байланыштуу суракка чакырылганын билдиришкен.
Жумабаев акыркы учурда оппозициячыл маанайдагы “Жаңы ордо” жана “Азат” гезиттеринде кабарчы катары иштеп жүргөн. 7-октябрда Караколдогу Кумтөр меморандумуна каршы митингге активдүү катышкан.
Андан сырткары, “Ата-Журт” партиясынын мүчөсү Садыр Жапаров камалган учурда аны коргоо комитетинин башчысы катары нааразылык акцияларын уюштуруп жүргөн эле. (SE)
7-октябрдагы Караколдогу башаламандык боюнча активист Кеңешбек Жумабаев УКМКга камакка алынганын анын адвокаты Шарабидин Токтосунов 24-октябрда “Азатыкка” кабарлаган. Анын айтымында, бейшемби күнү эртең менен атайын кызмат өкүлдөрү Жумабаевди үйүнөн алып кетишкен. Андан соң Токтосуновго улуттук коопсуздук комитетинен Жумабаев 7-октябрдагы Караколдогу башаламандыкка байланыштуу суракка чакырылганын билдиришкен.
Жумабаев акыркы учурда оппозициячыл маанайдагы “Жаңы ордо” жана “Азат” гезиттеринде кабарчы катары иштеп жүргөн. 7-октябрда Караколдогу Кумтөр меморандумуна каршы митингге активдүү катышкан.
Андан сырткары, “Ата-Журт” партиясынын мүчөсү Садыр Жапаров камалган учурда аны коргоо комитетинин башчысы катары нааразылык акцияларын уюштуруп жүргөн эле. (SE)