Өткөн жылы 102 адам сууга чөгүп каза болду

2013-жылы Кыргызстандын аймагында 102 адам түрдүү себептер менен сууга чөгүп кеткен. Бул тууралуу Өзгөчө кырдаалдар министрлигинин басма сөз кызматынан кабарлашты.

Кырсыктан Чүй облусунан 34, Жалал-Абад облусунан 19, Ысык-Көл облусунан 14, Ош облусунан 11, Баткен облусунан 6, Бишкек шаарынан 6, Ош шаарынан 5, Нарын облусунан 4, Талас облусунан 3 адам каза тапкан.

Жайкы сууга түшүү сезонунда чөгүп кеткендердин саны 77 адамды түзөт, анын 22си балдар. (SE)